Ֆրանկոֆոնիայի միջազգային կազմակերպության գլխավոր քարտուղարն աջակցություն է հայտնել Հայաստանին
Ֆրանկոֆոնիայի միջազգային կազմակերպության գլխավոր քարտուղար Լուիզ Մուշիկիվաբոն աջակցություն է հայտնել Հայաստանին: Այս մասին Մուշիկիվաբոն գրել է «Թվիթեր»-ի իր էջում:
«Ես լիակատար աջակցություն եմ հայտնում Հայաստանին՝ Ֆրանկոֆոնիայի անդամ երկրին, և խորը մտահոգություն եմ հայտնում Ղարաբաղում բախումների վերսկսման կապակցությամբ, որոնք հանգեցրել են բազմաթիվ խաղաղ բնակիչների և զինվորների զոհերի:
Կոչ եմ անում անհապաղ դադարեցնել ռազմական գործողությունները և վերսկսել երկխոսությունը՝ հակամարտությունը բանակցային ճանապարհով լուծելու համար»,- գրել է Ֆրանկոֆոնիայի միջազգային կազմակերպության գլխավոր քարտուղարը:
