Փրկարարները բնակարանում շքամուտքի հատակին անօգնական վիճակում հայտնաբերել 85-ամյա կնոջը
Հայաստանի ԱԻՆ-ում, սեպտեմբերի 15-ին, ժամը 16։25-ին ճգնաժամային կառավարման ազգային կենտրոն ահազանգ է ստացվել, որ Երևան քաղաքի Ամիրյան փողոցի թիվ 18 շենքի բնակարաններից մեկի բնակիչը չի արձագանքում դռան թակոցներին. դուռը բացելու համար անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը:
Փրկարարները բացել են բնակարանի դուռը, շքամուտքի հատակին անօգնական վիճակում հայտնաբերել Գրետա Ս․-ին (ծնված 1935 թ), ում մոտեցրել են շտապօգնության ավտոմեքենային. տուժածը հոսպիտալացվել է «Էրեբունի» ԲԿ։
