Ռուսաստանցիները Հունաստան շրջագայությունները գնում են 2021 թվականի սեզոնի համար. փորձագետ
Հունական տուրիստական ուղղությունների պահանջարկը շատ մեծ է, բայց վաճառքներն առայժմ միայն 2021 թվականի սեզոնի համար են: Այդ մասին ՌԻԱ Նովոստիին հայտարարել է տուրօպերատորի գլխավոր տնօրեն Ալեքսանդր Ցանդեկիդին:
Հունաստանը սեպտեմբերի 7-ից բացում է սահմանները Ռուսաստանի քաղաքացիների համար: Առայժմ թույլատրված է շաբաթը մինչեւ 500 մարդու մուտք:
Այդ մասին ասվում է կառավարության որոշման մեջ, որը գործելու է երկու շաբաթ՝ սեպտեմբերի 7-ի ժամը 00:01-ից (ժամանակը համընկնում է մոսկովյանի հետ) մինչեւ սեպտեմբերի 21-ի 23:59-ը: Ռուսաստանցիները կկարողանան մուտք գործել Աթենքի, Սալոնիկի եւ Հերակլիոնի օդանավակայաններով:
«Այս ուղղությամբ պահանջարկը մեծ է: Տուրօպերատորներն ստացել են դրա մեծ քանակությամբ առաջարկություններ: Սակայն վաճառքները դեռ շատ չեն, եւ դրանք բոլորը 2021 թվականի համար են: Այս տարվա համար ամրագրումներ չկան, որովհետեւ Հունաստան ժամանելու հնարավորությունները որպես այդպիսիք դեռ գործնականում չկան:
Այժմ այդ երկիր են մեկնում շատ սահմանափակ քանակությամբ ռուսաստանցիներ, իսկ մենք խոսում ենք նորմալ տուրիստական հոսքի մասին»,-հաղորդել է ՌԻԱ Նովոստին:
