Ստեփան Ստեփանյանը խորհրդարանում երդվեց
ԱԺ արտահերթ նիստը մեկնարկեց 89 պատգամավորով: ԱԺ նախագահ Արարատ Միրզոյանը տեղեկացրեց՝ արտահերթ նիստը հրավիրվել է կառավարության նախաձեռնությամբ և օրակարգում է՝ «ՀՀ բնակչության սանիտարահամաճարակային անվտանգության մասին օրենքում փոփոխություն և լրացումներ կատարելու մասին» և կից ներկայացված օրենքների նախագծերի փաթեթը երկու ընթերցումով ընդունելու հարցը:
Մինչև օրակարգին անցնելը՝ Արարատ Միրզոյանը շնորհակալություն հայտնեց «Լուսավոր Հայաստան» կուսակցության պատգամավորական մանդատը վաղաժամկետ դադարեցրած Մանե Թանդիլյանին՝ համատեղ աշխատանքի համար, ապա ներկայացրեց ԿԸՀ արձանագրությունը՝ «Լուսավոր Հայաստան» կուսակցության թիվ 4 ընտրատարածքում առավելագույն ձայներ ստացած հաջորդ թեկնածուին՝ Ստեփան Ստեփանյանին մանդատը փոխանցելու մասին: Ստեփան Ստեփանյանը հրավիրվեց ԱԺ ամբիոնի մոտ՝ երդման:
