Կեպան չի ցանկանում հեռանալ «Չելսիից»
«Չելսիի» դարպասապահ Կեպա Արիսաբալագան մտադիր չէ հեռանալ «Չելսիից»:
Չնայած «կապույտների» գլխավոր մարզիչ Ֆրենկ Լեմպարդի կասկածներին, իսպանացին ցանկանում է իրեն դրսևորելու շանս ստանալ, հայտնում է The Telegraph-ը:
25-ամյա խաղացողը մտադիր է պայքարել թիմում տեղ ունենալու համար, նույնիսկ, եթե ակումբը նոր դարպասապահ ստորագրի:
Ավելի վաղ հաղորդվում էր, որ «Չելսին» 20 մլն եվրո է առաջարկել «Ռենի» դարպասապահ Էդուարդ Մենդիի համար:
Անցած մրցաշրջանում Կեպան 33 խաղում 45 գնդակ է բաց թողել:
Պատրաստեց Անի Գաբուզյանը
