Խամես Ռոդրիգեսը քառամյա պայմանագիր կստորագրի «Էվերթոնի» հետ
Մադրիդի «Ռեալի» կոլումբիացի կիսապաշտպան Խամես Ռոդրիգեսն «Էվերթոնի» հետ պայմանագիր կստորագրի՝ նախատեսված մինչև 2024 թվականը: Այս մասին Թվիթերի իր էջում գրել է իտալացի լրագրող Նիկոլո Սկիրան:
Ըստ աղբյուրի, ներկայումս կողմերի միջև քննարկվում են համաձայնագրի վերջին մանրամասները: «Էվերթոնը» մտադիր է փակել գործարքը մոտ օրերս: Հաղորդվում է, որ հաջորդ շաբաթ 29-ամյա ֆուտբոլիստը բուժզննում կանցնի մերսիսայդյան ակումբում:
Խամեսը Մադրիդի «Ռեալում» խաղում է 2014 թվականից: 2019/2020 մրցաշրջանում կոլումբիացի ֆուտբոլիստը մասնակցել է 11 հանդիպման և դարձել 1 գոլի հեղինակ: Transfermarkt ինտերնետ պորտալը Ռոդրիգեսին գնահատում է 32 միլիոն եվրո:
Անգլիայի Պրեմիեր լիգայի 2019/2020 մրցաշարային աղյուսակում «Էվերթոնը» վաստակեց 49 միավոր և զբաղեցրեց 12-րդ հորիզոնականը: Պրեմիեր լիգայի նոր մրցաշրջանը կսկսվի սեպտեմբերի 12-ին:
Պատրաստեց Անի Գաբուզյանը
