Առնվազն 14 մարդ է զոհվել Հաիթիի ափերի մոտ նավի խորտակման հետևանքով. AP
Առնվազն 14 մարդ է զոհվել եւ մի քանիսն անհայտ կորել նավի խորտակման հետեւանքով, որը մարդկանց էր փոխադրում Տորտուգա կղզուց Հաիթիի հյուսիսում: Այդ մասին հայտնել է Associated Press (AP) գործակալությունը:
Գործակալության տվյալներով՝ նավը շրջվել է այն պատճառով, որ գերբեռնված է եղել: Առնվազն ինը մարդու հաջողվել է փրկել, նրանց բժշկական օգնություն է ցույց տրվում: Կորածների ստույգ քանակի մասին տվյալներ այս պահին չեն հայտնում, հաղորդել է ՏԱՍՍ-ը:
