«Որոշակի թերացումներով հանդերձ՝ ռազմական, քաղաքական, պետական ու քաղաքացիական գրեթե բոլոր օղակներն իրենց դրսևորել են լավագույնս»․ Սերժ Սարգսյան

Այսօր` օգոստոսի 19-ին, տեղի ունեցած մամլո ասուլիսի ժամանակ ՀՀ երրորդ նախագահ Սերժ Սարգսյանն իր ներածական խոսքում խոսելով նաև 2016թ. Ապրիլյան քառօրյա պատերազմի օրերին ռազմաքաղաքական ղեկավարության աշխատանքի մասին, մասնավորապես նշեց, որ որոշակի թերացումներով հանդերձ՝ ռազմական, քաղաքական, պետական ու քաղաքացիական գրեթե բոլոր օղակներն իրենց դրսևորել են լավագույնս։

Նախագահ Սարգսյանը հավելեց նաև, որ թերացումների ու դասերի վերաբերյալ առկա է ՀՀ ՊՆ և ՀՀ ԶՈՒ ԳՇ «Հույժ գաղտնի» զեկույցը, որը, ենթադրաբար, հասանելի է եղել նաև ԱԺ-ում ստեղծված Ապրիլյան պատերազմի հանգամանքներն ուսումնասիրող քննիչ հանձնաժողովի անդամներին։