Միայն 5 ֆուտբոլիստներ են, որ չեն լքի «Բարսելոնան»
«Բարսելոնան» պլանավորում է հիմնական թիմի վերակազմավորում Չեմպիոնների լիգայի քառորդ եզրափակչում «Բավարիայից» կրած ջախջախիչ պարտությունից հետո (2։8):
Ըստ Mundo Deportivo-ի՝ ակումբը անթույլատրելի է համարում միայն Լիոնել Մեսսիի, Ֆրենկի դե Յոնգի և Մարկ-Անդրե տեր Շտեգենի, ինչպես նաև թիմի երիտասարդ խաղացողներ Անսու Ֆաթիի և Ռիկի Պուչի վաճառքը: Մնացած բոլոր խաղացողները կարող են լքել «Բարսելոնան»:
Այսպիսով, Լուիս Սուարեսը, որի պայմանագրի ժամկետը լրանում է 2021 թվականի ամռանը, Անտուան Գրիզմանը, Խորդի Ալբան, Իվան Ռակիտիչը, Սերջի Ռոբերտոն, Արտուրո Վիդալը և Նելսոն Սեմեդուն կարող են լքել «Բարսելոնան»:
Բացի այդ, Սամուել Ումտիտին և Ուսմանե Դեմբելեն կարող են լքել կատալոնական ակումբը, քանի որ նրանք շատ են վնասվածքներ ստանում:
Մայիսին հաղորդվեց, որ «Բարսելոնան» բացառում է վեց ֆուտբոլիստների հեռացումը և պատրաստ է մնացած բոլորի համար առաջարկներ դիտարկել: Այնուհետև այս անգամ ցանկում ներառվեցին Ջերարդ Պիկեն և Անտուան Գրիզմանը:
Սիրարփի Աղաբաբյան
