Սոլակ գյուղում 16-ամյա պատանին ընկել է ժայռից
ՀՀ արտակարգ իրավիճակների նախարարության Փրկարար ծառայության Կոտայքի մարզային ճգնաժամային կառավարման կենտրոնն օգոստոսի 16-ին, ժամը 12։09-ին ահազանգ է ստացել, որ Սոլակ գյուղի Մայրավանք վանական համալիրի մոտակայքում մոտ 16 տարեկան պատանին ընկել է ժայռից (մոտ 20 մետր)։
Դեպքի վայր է մեկնել ԱԻՆ ՓԾ Կոտայքի մարզային փրկարարական վարչության օպերատիվ խումբը։
Փրկարարները Արտյոմ Չ․-ին (ծնված 2004 թ․) պատգարակով մոտեցրել են (1 կմ) շտապօգնության ավտոմեքենային։ Տուժածը հոսպիտալացվել է «Սուրբ Աստվածամայր» բժշկական կենտրոն։
