«Սևիլիա»-«Մանչեսթեր Յունայթեդ»․ ո՞վ կլինի եզրափակչում

Մրցաշար-Եվրոպա լիգա

Մարզադաշտ- «Ռեյն Էներջի», Քյոլն

Ժամ-23։00

Եվրոպա լիգայի առաջին կիսաեզրափակչում կխաղան իսպանական և անգլիական փորձառու թիմերը։

«Սևիլիա»

«Սևիլիան» այս մրցաշրջանում խաղում է շատ բարձր մակարդակով. Իսպանիայի առաջնությունում Խուլեն Լոպետեգիի թիմը հասավ իր նպատակներին և Եվրոպա լիգայում ևս ցուցադրում է գերազանց ֆուտբոլ:

Իսպանական ակումբը մեկ շնչով հասավ մրցաշարի այս փուլին, որն այս տարի կանցկացվի Գերմանիայում: «Սևիլիան» խաղում էր A խմբում, որտեղ թիմը դարձավ առաջինը՝ առաջ անցնելով ԱՊՈԵԼ-ից, Ղարաբաղից և Դուդելանժից: Հարկ է նշել, որ «կարմիր-սպիտակները» վեց խաղում խփեցին ընդամենը երեք գոլ:

1/16-րդ եզրափակչում Խուլեն Լոպետեգիի սաները հաղթեցին «Կլյուժին» ոչ հեշտ խաղով՝ մրցակցից առաջ անցնելով միայն հակառակորդի դաշտում խփած գոլի շնորհիվ:

Կարանտինից հետո Լոպետեգիի թիմը մեկնեց Գերմանիա, որտեղ մեկ խաղում նրանք պետք է խաղարկեին քառորդ եզրափակչի ուղեգիր «Ռոմայի» հետ: Մենամարտ որպես այդպիսին, տեղի չունեցավ. «գայլերը» 2:0 հաշվով պարտվեցին, առանց դիմադրելու:

Բայց «Վոլվերհեմփթոնը», որի հետ «Սևիլիան» խաղում էր քառորդ եզրափակչում, պայքարեց ամբողջ ուժով և մինչև 88-րդ րոպեն անառիկ պահեց սեփական դարպասը, բայց Լուկաս Օկամպոսը, ով փայլուն մարզավիճակում էր ամբողջ մրցաշրջանում, այդ խաղում միակ գոլը խփեց, որը դուրս բերեց «Սևիլիայի»  կիսաեզրափակիչ:

Լա Լիգայի վերջին մրցաշրջանում  թիմի խաղն արժանի է բոլոր գովասանքներին: 38 տուրերի ընթացքում իսպանական ակումբին հաջողվել է նվաճել 19 հաղթանակ և 13 ոչ-ոքի, ինչը թիմին բերեց 70 միավոր․ այնքան, որքան երրորդ «Ատլետիկոն»: Մադրիդցիները «Սևիլիայից» առաջ անցան միայն անձնական խաղերում առավելություն ունենալով: Տանտերերը պաշտպանությունում ցույց տվեցին երկրորդ արդյունքը և  54 անգամ կարողացան գրավել մրցակցի դարպասը:

Մրցաշրջանի ավարտին թիմի հիմնական գոլահարներն էին Օկամպոսը (14 գոլ) և Էն-Նեսերին (8 գոլ):

«Մանչեսթեր Յունայթեդ»

«Մանչեսթեր Յունայթեդը» անգլիական առաջնությունում կայուն չէր. երկար ժամանակ Օլե-Գունար Սուլշերի թիմը դուրս էր Չեմպիոնների լիգայի գոտուց, բայց ի վերջո նրանք հասան իրենց նպատակին: Կարանտինից հետո «կարմիր սատանաները» անցկացրին մի շարք շատ հզոր հանդիպումներ, որոնցից գլխավորը, անկասկած, վերջին տուրում «Լեսթերի»  հետ մենամարտն էր․  2։0 հաշվով տարած հաղթանակի շնորհիվ, մանկունյանցիները ձեռք բերեցին Չեմպիոնների լիգայի ուղեգիր:

Մինչև վերջերս «Մանչեսթեր Յունայթեդը» խնդիրներ չուներ Եվրոպա լիգայում. խմբում նրանք ոչ մի դիմադրության չհանդիպեցին։

Առաջին լուրջ խոչընդոտը քառորդ եզրափակիչում «Կոպենհագենն» էր. «Առյուծները» դիմակայեցին և հիմնական ժամանակում ոչ-ոքի խաղացին, բայց լրացուցիչ ժամանակներում Բրունո Ֆերնանդեսը 11-մետրանոց  հարվածով դուրս բերեց «Մանչեսթեր Յունայթեդին» կիսաեզրափակիչ:

Վիճակագրություն

Թիմերը 2018 թվականին երկու անգամ խաղացել են Չեմպիոնների լիգայում, և «Սևիլիան» այս խաղերից ոչ մեկում չի պարտվել

Վերջին 19 հանդիպումներից ոչ մեկում «Սևիլիան» չի պարտվել 10 հաղթանակ և 9  ոչ-ոքի

«Մանչեսթեր Յունայթեդը» իր վերջին հինգ հանդիպումներից միայն 2-ում է հաղթել

Սիրարփի Աղաբաբյան