Մահացել է Deep Purple-ի և Iron Maiden-ի պրոդյուսեր Մարտին Բերչը
71 տարեկան հասակում մահացել է Deep Purple, Black Sabbath եւ Iron Maiden ռոք-խմբերի հետ իր համագործակցությամբ հայտնի բրիտանացի երաժշտական պրոդյուսեր Մարտին Բերչը: Այս մասին հայտնել է Whitesnake խմբի ղեկավար Դեւիդ Քավերդեյլը: «Մեծ վշտով ես հենց նոր իմացա, որ վախճանվել է իմ թանկագին ընկեր եւ պրոդյուսեր Մարտին Բերչը»,- Քավերդեյլը գրել է Twitter-ում: Պրոդյուսերի մահման պատճառի մասին չի հաղորդվում:
Բերչն իր կարիերան սկսել է 60-ական թվականներից որպես հնչյունային ռեժիսոր: Նա 11 տարի աշխատել է Iron Maiden խմբի հետ եւ մասնակցել նրանց նշանավոր ալբոմների ստեղծմանը, որոնք զբաղեցրել են չարթերի առաջին հորիզոնականները: Պրոդյուսերն իր կարիրան ավարտել է 1992 թվականին, հաղորդել է ՌԻԱ Նովոստին:
