«Ադրբեջանը սեփական գյուղերում թիրախավորում է սեփական բնակչությանը. տների մերձակայքում տեղակայում է զրահատեխնիկա». Արծրուն Հովհաննիսյան
Տավուշի ուղղությամբ ադրբեջանական զինուժի կողմից կիրառվել են հրետանային միջոցներ, ականանետեր, տանկեր:
Այս մասին Իջևանում` ճգնաժամային տեղեկատվական կենտրոնում կազմակերպված ճեպազրույցին, ասաց ՀՀ ՊՆ Վ. Սարգսյանի անվան ռազմական համալսարանի հրամանատարաշտաբային ֆակուլտետի պետ, ռազմական վերլուծաբան Արծրուն Հովհաննիսյանը:
«Ադրբեջանական զինված ուժերն այս ընթացքում իրականացրել են իրենց ձեռագրին բնորոշ գործողություններ: Մասնավորապես, Ադրբեջանը սեփական գյուղերում թիրախավորում է սեփական բնակչությանը: Օրինակ, տների մերձակայքում տեղակայում են զրահատեխնիկա, դրանով թիրախավորելով խաղաղ բնակչությանը: Այս պահին ունենք համապատասխան ապացույցներ»,- նշեց Հովհաննիսյանը:
