«Գոնե հիմա հասկացեք, որ Ադրբեջանի սուլթանին նորմալ համարելը լավ տեղ չի տանելու». Էդուարդ Շարմազանով
Էդուարդ Շարմազանովը ֆեյսբուքյան իր էջում գրում է.
«Երբ ժամանակին զգուշացնում էի, որ մեր Հայրենիքի սպառնալիքը պանթուրքիզմն է, որ Էրդողանն ու Ալիևը Բաքվում ռազմական շքերթ են կազմակերպում, որ անթույլատրելի է հրաժարվել Վիեննայի ու Սանկտ-Պետերբուրգի օրակարգերից Փաշինյանի իշխանությունն Ալիևին կառուցողական էր համարում, իսկ Արցախի հերոսներին դավադիր ուժեր` հասարակությանը բաժանելով սևերի և սպիտակների: Գոնե հիմա հասկացեք, որ Ադրբեջանի սուլթանին նորմալ համարելն ու հասարակութանը հեղափոխական ու հակահեղափոխական բաժանելը լավ տեղ չի տանելու: Հերիք է արտաքին սպառնալիքը թողած պայքարեք ընդդիմախոսների դեմ: Փառք մեր հերոսական բանակին: Հայկը հաղթելու է Բելին»:
