««Ազգային երգ ու պար» առարկան էլ են հանում դպրոցից. սրանք ամեն ազգայինից ընկնում են ցնցումների, կոնվուլսիաների, դողէրոցքի մեջ». Արմեն Աշոտյան
Արմեն Աշոտյանը ֆեյսբուքյան իր էջում գրում է․
««Ազգային երգ ու պար» առարկան էլ են հանում դպրոցից նոր հանրակրթական պետական չափորոշիչով։
2015-ից սկսած դեռ իմ օրոք ու նվիրյալների հետեւողական աշխատանքով ազգային ինքնության եւ մշակութային ժառանգության պահպանման ուղղված այս նախաձեռնությունը շատ լուրջ թափ էր ստացել եւ տեսանելի արդյունքներ տվել։
Հիմա տանելու են էլի մի տեղ կիսատ-պռատ, խիստ աղճատված ու կրճատված խցկեն, իրենց նորալեզվով ասած՝ ինտեգրեն։
Սրանք ամեն ազգայինից ընկնում են ցնցումների, կոնվուլսիաների, դողէրոցքի մեջ։
Բա որ ասում եմ, սա ինքնության դեմ դիվերսիա է»:
