«Բարսելոնա»-ն Սուարեսի գոլի շնորհիվ հաղթեց «Էսպանիոլ»-ն
Իսպանիայի ֆուտբոլի առաջնության 35-րդ տուրում «Բարսելոնա»-ն «Նոու Կամպ» մարզադաշտում հյուրընկալել էր «Էսպանիոլ»-ին:
Առաջին կեսում կատալոնական ակումբն ակնհայտ առավելություն ուներ, ինչը վկայում էր նաև վիճակագրությունը: Սակայն կապտանռնագույնները հանդիպման հաշիվը բացեցին միայն 56-րդ րոպեին: Աչքի ընկավ Սուարեսը: Խաղի ընթացքում երկու թիմերից մեկական ֆուտբոլիստ հեռացվեց: «Բարսելոնա»-ից կարմիր քարտ ստացավ Ֆատին, իսկ «Էսպանիոլ»-ից` Լոզարոն:
Այս հաղթանակից հետո «Բարսելոնա»-ն շարունակում է մնալ երկրորդ հորիզոնականում: Թիմն ունի 76 միավոր և մեկ միավոր է զիջում «Ռեալ»-ին, որը դեռևս մեկ խաղ քիչ է անցկացրել:
