Լեհաստանի նախագահական ընտրություններ. Դուդան ընդդեմ Վարշավայի քաղաքապետ Թշասկովսկու
Լեհաստանի գործող նախագահ Անջեյ Դուդան հունիսի 28-ի նախագահական ընտրություններում չի հավաքել բացարձակ մեծամասնության քվեները և հուլիսի 12-ին ընտրությունների 2-րդ փուլում լինելու է ընդդեմ Վարշավայի քաղաքապետ Ռաֆալ Թշասկովսկու: Համաձայն Ipsos-ի տվյալների` Դուդան հավաքել է ձայների 41.8%-ը, իսկ Թշասկովսկին` 30.4%-ը: Լեհաստանի նախագահական ընտրությունների արդյունքները հայտնում է Euronews-ը:
Առաջին փուլի մասնակցությունը եղել է 62.4 տոկոս` ամենաբարձրը քսան տարվա ընթացքում:
Քվեարկությունը նախապես նշանակվել էր մայիսի 10-ին, բայց հետաձգվել է կորոնավիրուսային համաճարակի պատճառով: Համաճարակային պայմաններում սա Եվրոպայում երկրորդ խոշոր ընտրությունն է: Լեհաստանի նախագահական ընտրություններին նախորդում էր Սերբիայի խորհրդարանական ընտրությունները հունիսի 21-ին, որն ապահովել էր 48 % մասնակցություն:
