Samsung-ը 600 մեգապիքսելանոց բջջային ֆոտոխցիկ է պատրաստում
Կորեական ընկերությունը շարունակում է բջջային խցիկները տանել ավելի բարձր լուծման ուղղությամբ:
Samsung-ը սմարթֆոնների շուկան ընդգրկում է մեգապիքսելների մրցավազքում. ամեն ինչ սկսվեց առաջին 64 մեգապիքսել մոդուլով, այնուհետև հասավ ցնցող 108 մեգապիքսել լուծմանը, որը հայտնվեց Mi Note 10-ում և Galaxy S20 Ultra ում: Թվում է, որ սա միայն սկիզբն է, քանի որ հայտնի ինսայդեր Ice universe-ն իր թվիթերյան էջում գրառում է կատարել 600 մեգապիքսել լուծույթ ունեցող ֆոտոխցիկ թողարկելու՝ ընկերության պլանների վերաբերյալ:
Թե ինչու է Samsung-ը ցանկանում նման բանաձևով ցուցիչ բաց թողարկել, անհայտ է: Ինսայդերը փոխանցում է աղբյուրի խոսքերը, որոնք կապված են Samsung-ում տեսախցիկների տվիչների արտադրության հետ, որ այս մոդուլը «գերազանցելու է մարդու աչքի հնարավորությունները»: Թե ինչ է նշանակում այս արտահայտությունը, նույնպես պարզ չէ:
Առանց մատրիցայի չափերի և այլ բնութագրերի մեգապիքսելների քանակը ոչինչ չի նշանակում: Օրինակ՝ Galaxy S20 Ultra-ն ունի տեսախցիկ՝ 108 մեգապիքսել լուծույթով, բայց մատրիցայի ֆիզիկական չափերը փոքր են, քան նոր Huawei P40 Pro-ում՝ 50 մեգապիքսել լուծույթով: Սա թույլ է տալիս տեսախցիկին ավելի շատ լույս ստանալ և դժվար պայմաններում ավելի լավ նկարահանել, նույնիսկ ավելի ցածր լուծմամբ:
Ամենայն հավանականությամբ, առաջիկա վեց ամիսների ընթացքում մենք չենք տեսնի 600 մեգապիքսել լուծույթ ունեցող տեսախցիկ: Այժմ Samsung-ն աշխատում է ավելի «համեստ» 192MP սենսորի վրա: Թերևս, սա կլինի Xiaomi-ի Mi Note 10-ի ավելի էժան ֆլագմենային ֆոտոխցիկի շարունակությունը:
Սիրարփի Աղաբաբյան
