Գիտնականները պարզել են՝ ինչու է օդից գարնան հոտ գալիս
Նորվիչի Ջոն Ինեսի կենտրոնի բրիտանացի գիտնականները պարզել են, թե ինչու է գարնանն օդի բույրը յուրահատուկ: Փորձագետները պարզել են, որ գարնան բնորոշ հոտի պատճառը քիմիական նյութն է, որը տաք սեզոնի սկզբին արտադրվում է բակտերիաների կողմից, գրում է Daily Mail-ը:
Այդ օրգանական նյութը գեոսմինն է, որն արտադրում է ստրեպտոմիցետ բակտերիաներ:
Փորձագետները պարզել են ստրեպտոմիցետների և կոլեմբոլաների (մանր հոդվածոտանիների ենթադաս) միջև կապը: Առաջինները գրավում են երկրորդներին՝ արտադրելով գեոսմին:
Մարդու քիթը ծայրահեղ զգայուն է գեոսմինի նկատմամբ և կարող է ֆիքսել դրա անգամ 5 տրիլիոնի բաժին կոնցենտրացիան:
Պատրաստեց Անի Գաբուզյանը
