«Բարսելոնան» չի վաճառի Դեմբելեին ամռանը

«Բարսելոնան», չնայած իր առողջական խնդիրներին, չի նախատեսում վաճառել կիսապաշտպան Ուսման Դեմբելեին:

Ըստ Diario Sport-ի, «Բարսելոնան» մտադիր չէ ամռանը բաժանվել Դեմբելեից: Ակումբը կարծում է, որ նախ և առաջ՝ ճիշտ չի լինի այդպես վարվել ֆուտբոլիստի հետ, ով պարզապես ապաքինվել է լուրջ վնասվածքից և ընդհանուր առմամբ բաց է թողել մոտ 6 ամիս:

Երկրորդ, և’ «Բարսան», և’ թիմի գլխավոր մարզիչ Կիկե Սետյենը կարծում են, որ Դեմբելեն դեռևս մեծ ներուժ ունի, և դա կարող է օգտակար լինել: Ակումբում կարծում են, որ Դեմբելեն «Բարսելոնայում» առանցքային խաղացող դառնալու ներուժ ունի:

Կատալոնական ակումբի բժշկական շտաբն ուսումնասիրություն է անցկացրել ֆրանսիացու նման հաճախակի վնասվածքների վերաբերյալ և եկել է երկու եզրակացության: Նախ և առաջ՝ Դեմբելեի ոսկորներն ու մկաններն ուժեղանում և լավանում էին ամբողջ ժամանակ, երբ նա ակումբում էր: Երբ նա տեղափոխվեց «Բարսա», նրա մարմինը դեռ լիովին ձևավորված չէր:

Երկրորդ, եզրակացվեց, որ Դեմբելեին անհրաժեշտ է անհատական ​​մարզման ռեժիմ․ նա պետք է ավելի շատ աշխատի մկանների ուժի վրա, որպեսզի պայթյունավտանգ արագությունը  խնդիրներ չառաջացնի:

Դեմբելեն կատալոնական ակումբի իր վերջին հանդիպումն անցկացրել է նոյեմբերի 27-ին: Այս մրցաշրջանում նա Լա Լիգայում դաշտ է դուրս եկել 5 անգամ և դարձել մեկ գոլի հեղինակ։

Ավելի վաղ նշվում էր, որ «Բարսելոնան» կարող է ներառել Դեմբելեին «Ինտերի» հարձակվող Լաուտարո Մարտինեսի գործարքի մեջ:

Ըստ Mundo Deportivo-ի՝ «Ինտերը» քննարկում է «Բարսելոնայի» մի քանի խաղացողների տրանսֆերի մեջ ընդգրկելու տարբերակը:

Նախկինում նշվում էր, որ կատալոնական ակումբից պայմանագրում կարող են ընդգրկվել կիսապաշտպաններ Արթուրո Վիդալը, Իվան Ռակիտիչը, Արթուրը, Կառլես Ալենյան, ինչպես նաև պաշտպաններ Նելսոն Սեմեդան և Ժան-Կլեր Տոդիբոն:

«Ինտերը» դեմ չէ Դեմբելեի տեղափոխությանը Լաուտարոյի տրանսֆերի շրջանակներում:

Սիրարփի Աղաբաբյան