Հալեպում հայկական հումանիտար խումբը բնականոն հունով շարունակում է իր աշխատանքները. կիրառվում են պաշտպանիչ բոլոր միջոցները
Մարտի 22-ին տեղեկություն տարածվեց, որ Սիրիայում արձանագրվել է կորոնավիրուսի առաջին դեպքը:
168.am-ը Հումանիտար ականազերծման և փորձագիտական կենտրոնից փորձեց պարզել` արդյո՞ք համաճարակային առումով Սիրիայում գտնվող հայկական հումանիտար խմբի անվտանգությունն ապահովված է:
Մեր հարցադրմանն ի պատասխան՝ Հումանիտար ականազերծման և փորձագիտական կենտրոնի հասարակայնության հետ կապերի մասնագետ Կարինե Հախնազարյանը վստահեցրեց, որ Հալեպում հումանիտար առաքելություն իրականցնող մեր խումբը բնականոն հունով շարունակում է իր աշխատանքները:
«Մենք ականազերծում ենք տարածքներ, որտեղ մարդկանց մուտքն արգելված է, ինչն ապահովում է մեր ականազերծողների անվտանգությունը՝ համավարակից խուսափելու համար: Փորձառու բժիշկներից կազմված մեր խումբը պահպանում է անվտանգության բոլոր կանոնները՝ կիրառում պաշտպանիչ բոլոր միջոցները»,- հավելեց նա:
