Ոստիկանները ժամերի ընթացքում բացահայտեցին սրճեփ սարքից կատարված գողությունը
Մարտի 19-ին ոստիկանություն զանգած քաղաքացին հայտնեց, որ Աբովյան քաղաքի սուրճեփ սարքերից մեկից գողություն են արել։
Աբովյանի 3-րդ միկրոշրջանի դեղատներից մեկի հետնամասում ոստիկանները արձանագրեցին, որ կոտրել են սրճեփ սարքի փայտե իրանը, դռան փականները և հափշտակել մետաղադրամներ։
Ոստիկանության Կոտայքի բաժնի ծառայողների օպերատիվ գործողությունների շնորհիվ հանցագործությունը ժամեր անց բացահայտվեց։ Գողությունը կատարելու կասկածանքով ոստիկանություն բերման ենթարկվեցին Աբովյան քաղաքի 24 և 25-ամյա բնակիչներ։
Նրանք խոստովանել են կատարածը։
Փաստի առթիվ նախապատրաստվում են նյութեր։
