Թրամփը Բլումբերգին նվազ վտանգավոր ախոյան է համարում, քան Սանդերսին
ԱՄՆ-ի նախագահ Դոնալդ Թրամփը փետրվարի 11-ին Սպիտակ տան Օվալաձեւ աշխատասենյակում լրագրողներին հայտարարել է, որ 2020 թվականի ընտրությունների ընթացքում ավելի հաճույքով կմրցակցեր Նյու Յորքի նախկին քաղաքագլուխ Մայքլ Բլումբերգի, քան Վերմոնտի նահանգից սենատոր Բեռնի Սանդերսի հետ:
«Անկեղծ ասած, ես կգերադասեի պայքարել Բլումբերգի, քան Բեռնի Սանդերսի դեմ, որովհետեւ Սանդերսն իրական կողմնակիցներ ունի,- մեջբերում է Թրամփի խսքը The Hill թերթը:- (…) Ես սարսափելի եմ համարում այն, ինչը նա (Սանդերսն) ասում է, բայց նա կողմնակիցներ ունի: Իսկ Բլումբերգը պարզապես (նախագահության) ճանապարհ է գնում իր համար»:
ԱՄՆ-ի նախագահը նաեւ արտահայտվել է՝ Դեմոկրատական կուսակցությունից եւս մեկ թեկնածուի՝ Ջոզեֆ Բայդենի վերաբերյալ: Նա, մասնավորապես, քննադատել է ԱՄՆ-ի նախկին փոխնախագահի նախընտրական արշավը՝ նրան բնութագրելով որպես «վրիպում» եւ «փնթփնթոց», հաղորդել է ՏԱՍՍ-ը:
