«Դալմա Գարդեն մոլ»-ը կբացվի հունվարի 19-ից
«Դալմա Գարդեն» մոլը հայտարարություն է տարածել, որում տեղեկացնում է.
«Սիրելի հաճախորդներ,
Հայտնում ենք, որ համապատասխան պետական մարմինների կողմից մատնանշված խնդիրների լուծմանն ուղղված քայլերն իրականացվել են։
ԱԻՆ և ՀՀ Քաղաքաշինության Պետական Կոմիտեի աշխատակիցների շրջայցերի ընթացքում կատարված ուսումնասիրությունների արդյունքում շենքի կառուցվածքային կամ այլ տեսակի խնդիրներ չեն հայտնաբերվել։
Շենքն ապահով է և ամուր, բայց դատարկ՝ առանց իր սիրելի հաճախորդների։
Նախորդ 10 օրերը դժվար էին մեզ համար, սակայն այդ ժամանակահատվածում մենք ստացանք շատ նամակներ ու մեկնաբանություններ, որոնք ոգևորեցին, հուզեցին, լցրեցին կարոտով, և մենք էլ ավելի մեծ եռանդով ու անհամբերությամբ սկսեցինք սպասել բացմանը, որպեսզի նորից հանդիպենք ձեզ, և մոլի՝ արևի լույսով լցված, բայց դատարկ պատերը նորից շունչ առնեն և ողողվեն ծիծաղով, հապճեպ քայլերի ձայներով, ժպիտներով ու սիրով։
Այսօրվա գրառումը կրում է միայն դրական ուղերձ։ Վաղը՝ հունվարի 19-ին, առավոտյան ժամը 10։00-ից Դալմա Գարդեն մոլն իր դռները կրկին կբացի իր սիրելի այցելուների առջև և անհամբեր կսպասի ձեզ, որ նորից լցվի ջերմությամբ ու պարգևի սեր։
Թող այսուհետ ցնցումները լինեն միայն սիրուց»։
https://www.facebook.com/DalmaGardenMallOfficial/posts/2633359993427303?__xts__[0]=68.ARAG8DAIgG1GQpzWrGvSsvZiZLcEBRm-Be8PCQlDa_tD5HijHZsgY5Ux7Jtd_kR-TMHTR2QLVEUP2l4SJcPS_N3fqjZRGe1ptkXS5W4BcI029MLkk9BIXFOmAmzpkYRC9SRQBq2gGePrgBaqkEHIIba0rDJ5tru9gPQCQsaRnIPaR6XllbUwOZUPtPzfNoCJXcshtgCXjqCSxnpc2_GmFBnDdV_UwMqImPqcZrqF1KUAbLdbRUSeC4HN-YK5poERVXna8tWw6yfYETLaGLoy4sXynYD2soAFkLwJsF-sOI3GL74Vicqr4UNJrmAK8u6z6zwy4YcCVIHE46gNFkJ3ag&__tn__=-R
