Մագուայերը կդառնա «Մանչեսթեր Յունայթեդի» նոր ավագը
«Մանչեսթեր Յունայթեդի» ավագ Էշլի Յանգը տեղափոխվեց «Ինտեր»: Ֆուտբոլիստի տրանսֆերից հետո «Կարմիր սատանաների» գլխավոր մարզիչ Օլե-Գունար Սուլշերը հաստատել է, որ Հարի Մագուայերը կլինի թիմի նոր ավագը:
«Նրանում ամեն ինչ ասում է, որ նա ի ծնե առաջնորդ է: Այժմ Մագուայերը կկրի ավագի թևկապը»,- նորվեգացի մասնագետի խոսքերն է մեջբերում Սայմոն Սթոունը:
Հիշեցնենք, որ օրեր առաջ Օլե-Գունար Սուլշերը Մարկուս Ռաշֆորդին անվանել էր թիմի բացարձակ առաջնորդը:
Պատրաստեց Անի Գաբուզյանը
