Թուրքական իշխանությունները նպատակ չունեն արտաքսել հատուկ կարգավիճակ ունեցող սիրիացի փախստականներին
Սիրիայի ժամանակավոր կառավարությունը հայտարարություն է հրապարակել, ըստ որի՝ թուրքական իշխանությունները Թուրքիայում «ժամանակավոր պաշպանության» կարգավիճակ ունեցող սիրիացի փախստականներին արտաքսելու նպատակներ չունեն:
Այս մասին հայտնում է թուրքական «Դիքեն» լրատվամիջոցը:
«Ըստ թուրքական իշխանությունների պաշտոնական տվյալների՝ 2019 թվականի հուլիսի 18-ի դրությամբ Թուրքիայում գտնվող 3 միլիոն 634 հազար 378 Սիրիայի քաղաքացի ունի «ժամանակավոր պաշպանության» կարգավիճակ, և նրանք երախտապարտ են Թուրքիային՝ ցուցաբերած հյուրընկալության համար: Թուրքիայի՝ սիրիացի փախստականների նկատմամբ վարած քաղաքականությունը, 2011 թվականից՝ սիրիական ճգնաժամից սկզբից, մինչ օրս փոփոխության չի ենթարկվել»,- նշված է հայտարարության մեջ:
