ՊՍԺ-ն վերջին փորձն է կատարում՝ համոզելու Նեյմարին չհեռանալ
ՊՍԺ-ն վերջին փորձն է կատարում՝ համոզելու բրազիլացի հարձակվող Նեյմարին մնալ ակումբում:
Ինչպես հաղորդում է Sport.es-ը, փարիզեցիների մարզական տնօրեն Լեոնարդոն կմեկնի Չինաստան, որտեղ այս պահին թիմը պատրաստվում է նոր մրցաշրջանին: Նա պլանավորում է անձամբ հանդիպել 27-ամյա հարձակվողի հետ, որպեսզի համոզի նրան չհեռանալ ակումբից: Եթե խաղացողը, այնուամենայնիվ, չփոխի իր որոշումը, Ֆրանսիայի չեմպիոնը կվաճառի նրան՝ հնարավորինս շատ գումար վաստակելու ակնկալիքով:
Ավելի վաղ հաղորդվել էր, որ բացի կատալոնական «Բարսելոնայից», Նեյմարով հետաքրքրվում են նաև «Ռեալը» և «Յուվենթուսը»:
Պատրաստեց Անի Գաբուզյանը
