Ոստիկանները հաշմանդամություն ունեցող երիտասարդի են գիշերը բերման ենթարկել
Իրավիճակը Իջևանում շարունակում է լարված մնալ: Քիչ առաջ ցուցարարներից մեկը լրագրողների հետ զրույցում պատմեց, որ ոստիկանները նախորդ գիշեր հաշմանդամություն ունեցող սայլակով երիտասարդի են բերման ենթարկել.
«21 տարեկան տղա ա, ինվալիդ, ոչ կարում ա խոսա, ոչ կարում ա քայլի: Տանը պառկած, գիշերը ժամը 3 անց կես իրանց սպեցնազի ջոկատը մտնում ա տուն, ինվալիդ էրեխուն կալյասկով հանում, տանում են: Մերն ասում ա՝ իմ էրեխեն չի կարում խոսա, ո՞ւր եք տանում»,- պատմում է ցուցարարը՝ հավելելով, որ մոր խոսքերին ոստիկանները պատասխանել են՝ «Դու ձենդ կտրի հլը, աղջի»:
