Թուրքական օդուժը Քանդիլում հարվածներ է հասցրել PKK-ին
Թուրքական զինված ուժերը օդային հարձակում են իրականացրել հյուսիսիրաքյան Քանդիլ շրջանի ուղղությամբ, ինչի հետևանքով Քրդական աշխատավորական կուսակցության (PKK) զինյալների ապաստարաններ են ոչնչացվել:
Այս մասին հայտնում է թուրքական «Anadolu» լրատվական գործակալությունը:
Թուրքիայի պաշտպանության նախարարության տարածած տեղեկությունների համաձայն՝ օդային հարձակումն իրականացվել է Թուրքիայի զինված ուժերի կողմից Իրաքի հյուսիսային շրջաններում իրականցվող «Մագիլ» (Pençe) ռազմական գործողությունների շրջանակներում:
Թուրքական զինված ուժերի կողմից մայիսի 27-ից իրականցվում է «Մագիլ» (Pençe) անունը կրող ռազմական գործողությունը, որի նպատակն է վերացնել Իրաքի հյուսիսային հատվածներում գտնվող Քրդստանի աշխատավորական կուսակցության (PKK) հենակետերը:
