Օձուն-Վանաձոր ավտոճանապարհին տեղի է ունեցել քարաթափում. մոտ 22 ժայռաբեկոր ընկել և միակողմանի փակել է ավտոճանապարհը
Հուլիսի 6-ին, ժամը 04:55-ին «911» ծառայությանն ահազանգ է ստացվել, որ Լոռու մարզում Օձուն-Վանաձոր ավտոճանապարհին տեղի է ունեցել քարաթափում. ճանապարհը միակողմանի փակվել է. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ Օձուն-Վանաձոր ավտոճանապարհի 29-րդ կմ-ին հարակից ժայռից տեղի է ունեցել քարաթափում. մոտ 22 ժայռաբեկոր (2 խմ) ընկել և միակողմանի փակել է (մոտ 1×10 մետր) ավտոճանապարհը:
Փրկարարները հեռացրել են քարերը. ավտոճանապարհը երկկողմանի բացվել է:
