Չինական ակումբն Օբամեյանգին պայմանագիր է առաջարկել՝ շաբաթական 300 հազար ֆունտ աշխատավարձով
Լոնդոնի «Արսենալի» հարձակվող Պիեր-Էմերիկ Օբամեյանգը ֆինանսական առումով շահավետ առաջարկ է ստացել չինական ակումբներից: Ինչպես հաղորդում է The Times-ը, գաբոնցի ֆուտբոլիստով հետաքրքրվում են «Գուանչժոու Էվերգրանդը» և «Շանհայ ՍԻՊԳ»-ը, որոնք պատրաստ են առաջարկել նրան պայմանագիր՝ շաբաթական 300 հազար ֆունտ աշխատավարձով (339 հազար եվրո):
Այժմ Օբամեյանգն «Արսենալում» վաստակում է շաբաթական 190 հազար ֆունտ: Հիշեցնենք, որ «Գուանչժոու Էվերգրանդը» հետաքրքրվում էր ֆուտբոլիստով դեռ նախքան 2018թ. հունվարին դորտմունդյան «Բորուսիայից» «Արսենալ» տեղափոխվելը:
Պատրաստեց Անի Գաբուզյանը
