Երկրի վրա սկսվել է վերջին երկու տարվա ամենահզոր մագնիսական փոթորիկը
Երկիր մոլորակի վրա սկսվել է վերջին երկու տարվա ամենահզոր մագնիսական փոթորիկը:
Ինչպես հաղորդում է «ՌԻԱ Նովոստի»-ին, այս մասին հայտնել է ՌԴ Գիտությունների ակադեմիայի Ֆիզիկական ինստիտուտի Արևի ռենտգենային աստղագիտության լաբորատորիայի աշխատակից Սերգեյ Բոգաչովը:
Գիտնականը մասնավորեցրել է, որ դա պայմանավորված է Արևի ակտիվությամբ:
«Հնարավոր է ռադիոկապի վատթարացում և բևեռափայլ»,- հավելել է նա:
Բոգաչովը նաև նշել է, որ առավել լուրջ մագնիսական փոթորիկներ նույնպես լինում են:
«Այս փոթորիկը երրորդ մակարդակի է, ընդամենը 5 բալանոց, որոնք հազվադեպ են պատահում՝ 10-20 տարին մեկ անգամ: Սա ռեկորդային իրադարձություն չէ», – ընդգծել է մասնագետը:
Ակտիվությունը մեկնարկել է երեքշաբթի առավոտյան և կտևի մինչև երեկո: Գիշերային ժամերին Երկրի մագնիսական դաշտը կկարգավորվի:
