Վրաստանն ապրիլին 6 մլն խորանարդ մետր գազ է գնել Ռուսաստանից
Վրաստանն ընթացիկ տարվա ապրիլին 6 մլն խորանարդ մետր ծավալի բնական գազ է գնել Ռուսաստանից, ինչը կազմում է հանրապետություն ներմուծվող ամբողջ երկնագույն վառելիքի 3 տոկոսը: Համապատասխան տվյալները ներկայացված են Վրաստանի էկոնոմիկայի եւ կայուն զարգացման նախարարի «2019 թվականի համար բնական գազի հաշվեկշռի հաստատման մասին» հրամանագրում, որը լույս ապրիլի 2-ի գիշերը հրապարակվել է Վրաստանի Օրենսդրական լրաբերի կայքում։
Ընթացիկ տարվա հունվարին, փետրվարին եւ մարտին Վրաստանը Ռուսաստանից գազ չի գնել: Հանրապետությունը չի պլանավորում ռուսական երկնագույն վառելիք գնել նաեւ հաջորդ ամիսներին: Իսկ ինչ վերաբերում է մնացած ներմուծվող գազին, ապա հիմնական բաժինը (մոտավորապես 97 տոկոսը) ստացվում է Ադրբեջանից: Ընթացիկ տարվա ապրիլին Վրաստանն Ադրբեջանից գնել է մոտավորապես 177 մլն խորանարդ մետր գազ:
Ապրիլին Վրաստանի էկոնոմիկայի նախկին նախարար Գեորգի Կոբուլիան հայտարարել էր, որ Վրաստանը «Գազպրոմ»-ի հետ պայմանավորվել է փոքր քանակությամբ գազ գնելու շուրջ, սակայն այն ժամանակ նա չէր ճշտել, թե ինչ ծավալի գազի մասին է խոսքը: Վրաստանը Ռուսաստանից գազ չի գնել 2006 թվականից ի վեր: Երկիրը միայն ստացել է Հայաստան ռուսական գազի տարանցման ընդհանուր ծավալի 10 տոկոսը: Արդեն 2017 թվականից ՌԴ-ն այդ տարանցման դիմաց Վրաստանին վճարում էր փողով եւ մասամբ՝ հումքով, իսկ 2018 թվականին՝ միայն փողով, հաղորդել է ՏԱՍՍ գորակալությունը:
