Արևիկ-Տանձուտ ավտոճանապարհին էլեկտրական ենթակայան է այրվել
Ապրիլի 23-ին, ժամը 11:14-ին 911 ծառայությանը տեղեկություն է հաղորդվել, որ Արևիկ-Տանձուտ ավտոճանապարհի 3-րդ կմ-ի ձախակողմյան հատվածում այրվում է էլեկտրական ենթակայան:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Հրդեհը մեկուսացվել է ժամը 11:43-ին, մարվել՝ 12:09-ին:
Այրվել են էլեկտրական ենթակայանը՝ ամբողջությամբ և մոտակայքում գտնվող էլեկտրական սյունը՝ մասամբ: Հրդեհի հետևանքով տուժածներ չկան:
