««Ռեալը» գրավում է յուրաքանչյուր խաղացողի». Նեյմար
ՊՍԺ-ի հարձակվող Նեյմարը հայտարարել է, որ ցանկացած խաղացող ուրախ կլինի հանդես գալ Մադրիդի «Ռեալի» կազմում:
«Կխաղամ ես արդյոք «Ռեալո՞ւմ»: «Ռեալն» աշխարհի խոշորագույն ակումբներից մեկն է: Ցանկացած ֆուտբոլիստ, ում դուռը կթակի «Ռեալը», այդ հնարավորությունը գրավիչ կհամարի: Հիմա ես զգում եմ, որ երջանիկ եմ ՊՍԺ-ում, ինձ այստեղ շատ լավ եմ զգում:
Փարիզում կա մի բան, ինչն ինձ դուր է գալիս: Բայց ոչ ոք չգիտի, թե ինչ կլինի ապագայում»,- բրազիլացի ֆուտբոլիստի խոսքերն է մեջբերում Globo Esporte-ը:
Նեյմարը ՊՍԺ-ի ֆուտբոլիստ է դարձել 2017 թվականին: Ավելի վաղ նա հանդես է եկել «Բարսելոնայի» և «Սանթոսի» կազմերում:
Պատրաստեց Անի Գաբուզյանը
