Պուտինը հեռախոսազրույց է ունեցել Հնդկաստանի վարչապետի հետ
Ռուսաստանի Դաշնության նախագահ Վլադիմիր Պուտինը հեռախոսազրույց է ունեցել Հնդկաստանի վարչապետ Նարենդրա Մոդիի հետ: Ինչպես տեղեկացնում է «ՌԻԱ Նովոստի»-ն, այս մասին հայտնում է ՌԴ նախագահի մամուլի ծառայությունը:
Ռուսաստանի Դաշնության նախագահը հեռախոսազրույցի ընթացքում հույս է հայտնել, որ Պակիստանի և Հնդկաստանի հարաբերություններում ճգնաժամային իրավիճակը հնարավորինս շուտ կհարթվի:
Փետրվարի 23-ին Հնդկաստանի ռազմաօդային ուժերի մի խումբ ինքնաթիռներ հարված են հասցրել Պակիստանի տարածքում «Ջաիշ ե Մուհամադ» խմբավորման զինյալների դիրքերին: Իրենց հերթին Պակիստանի իշխանությունները հայտնել են, որ Հնդկաստանի ռազմաօդային ուժերի երկու ինքնաթիռ Է խփվել Քաշմիրի շրջանում: Սկզբում նշվել էր, թե ձերբակալվել են երկու հնդիկ օդաչուներ, սակայն ավելի ուշ զանգվածային լրատվամիջոցներում տեղեկատվություն է հայտնվել մեկ ձերբակալվածի մասին:
