««Ռեալը» միշտ ֆավորիտ է». Սոլարին՝ Կլասիկոյի մասին

Մադրիդի «Ռեալի»  գլխավոր մարզիչ Սանտյագո Սոլարին խոսել է  «Ալավեսի» նկատմամբ հաղթանակի մասին (3:0):

«Նման խաղերում միշտ դժվար է սկսել և վերջացնել: Մրցակիցները կարողանում  են խաղալ և անում են դա հրաշալի:

Իսկոն արեց հրաշալի փոխանցում Օդրիոսոլային: Հրաշալի է, որ այս ֆուտբոլիստները նման կերպ են խաղում:

Մենք բավականին լուրջ տեսք ունեինք  և ցույց տվեցինք մեր ամբողջ ցանկությունը»,- նշել է արգենտինացի մասնագետը:

Սոլարին պատասխանել է նաև Իսպանիայի գավաթում «Բարսելոնայի» հետ կայանալիք խաղի մասին հարցին:

««Ռեալը» միշտ ֆավորիտ է; Ամենայն հարգանք ենք տածում մրցակցի նկատմամբ, բայց մենք ցանկանում ենք հաղթել:

Մենք պայքարելու ենք մինչև վերջ: Դուք տեսաք, որ այս խաղում էլ մենք ուզում էինք անպայման միավորներ վաստակել: Այս թիմն ունի մի շաբաթում մի քանի խաղ անցկացնելու փորձառություն: Մադրիդը երբեք չի հանձնվի: Այսօր մենք ցույց տվեցինք, որ ցանկանում նք կրճատել տարբերությունը «Բարսելոնայի» հետ:

Մենք չենք նայում մեր և մեր մրցակիցների օրացույցներին: Դրանք մենք չենք կազմում:  Մենք պետք է պատրաստվենք մեր լավագույն խաղին:

Վինիսիուսն անցկացրեց հրաշալի հանդիպում: Մենք հիացած ենք նրա խաղով և զարգացմամբ»,- ասել է Սոլարին:

Հիշեցնենք, որ Իսպանիայի գավաթի 1/2 եզրափակչում «Ռեալը» կխաղա «Բարսելոնայի» հետ: Առաջին հանդիպումը տեղի կունենա փետրվարի 6-ին Կատալոնիայում, պատասխան խաղը`փետրվարի 27-ին:

Սիրարփի Աղաբաբյան