«Դա ապատեղեկատվություն է և սուտ». Դավիթ Անանյան
«ՊԵԿ պարգևավճարների՝ մամուլում հրապարակված ցուցակն ու այդ մասին տեղեկատվությունն ապատեղեկատվություն է և սուտ։ Այդպիսի պարգևատրումների գումարներ հնարավոր չեն ուղղակի»,- այսօր կառավարության նիստից հետո լրագրողների հետ զրույցում հայտարարեց ՀՀ պետական եկամուտների կոմիտեի նախագահ Դավիթ Անանյանը՝ վստահեցնելով, որ ինչ կատարվել է, կատարվել է օրենքի շրջանակներում։
Սակայն նա հրաժարվեց հրապարակել պարգևավճարների իրական թվերը՝ պատճառաբանելով անձնական տվյալների գաղտնիության գործոնով։ Միայն նշեց ամենամեծ պարգևավճարի չափը՝ 1.5 մլն։ Ըստ նրա՝ ՊԵԿ-ը պարգևավճարների ամենամեծ ֆոնդն ունի, նաև կոռուպցիոն ռիսկերն են մեծ, և պարգևները կարևոր գործիքակազմ է կոռուպցիայի դեմ պայքարի համար։
«Պարգևատրվել են բոլոր հարկային ծառայողները՝ ինձանից սկսած՝ մինչև ամենավերջին տեսուչներն ու հավաքարարները»,- ասաց Դ.Անանյանը։
Միաժամանակ ՊԵԿ նախագահը հարկ չի համարում դիմել դատարան՝ ընդդեմ սուտ լուրեր տարածած լրատվամիջոցի։
Մանրամասները՝ տեսանյութում։
