Կրակոցներ Արտաշատի խճուղում. կան բերման ենթարկվածներ
Նոյեմբերի 23-ին, ժամը 01.00-ին, Նորագավիթ, Արտաշատի խճուղու թիվ 85 հասցեի մոտից, վիճաբանության կասկածանքով, ոստիկանության Երևան քաղաքի վարչության ՊՊԾ գնդի ոստիկանները բաժին բերման են ենթարկել 1990 թ. ծնված Ռոբերտ Ա.-ին, 1985 թ. ծնված Դավիթ Ղ.-ին և 1996 թ. ծնված Գարիկ Հ.-ին:
Պարզվել է, որ նոյեմբերի 22-ին, ժամը 23.00-ին, նշված հասցեի մոտ Ռոբերտ Ա.-ն վիճաբանության ժամանակ իր մոտ եղած գազային ատրճանակից մի քանի անգամ կրակել է 1985 թ. ծնված Ռոման Ղ.-ի ուղղությամբ, ինչի հետևանքով նա աջ ականջի շրջանում վնասվածք է ստացել:
Գազային ատրճանակը վերցվել է: Նշանակվել է ԴԲՓ: Նախապատրաստվում են նյութեր:
***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
