Մարատ Բիրիմջանը ԵԱՏՄ-ն համարում է անդամ երկրների արտահանման ներուժը իրացնելու լավ հնարավորություն
Եվրասիական տնտեսական միության միասնական տարածքը թույլ է տալիս անդամ երկրների գործարարներին իրացնել իրենց արտահանման ներուժը: Երևանում անցկացվող «Եվրասիական շաբաթ» համաժողովի շրջանակներում «Արմենպրես»-ի թղթակցի հետ զրույցում նման կարծիք հայտնեց Kazakh Invest-ի փոխտնօրեն Մարատ Բիրիմջանը:
«Որքան շատ մենք բացենք հնարավորությունները բիզնեսի, ինչպես նաև գործընկերության ընդլայնման համար, այնքան շուտ կազատականացնենք մեր օրենսդրությունները: Որքան մենք մեծացնենք գործընկերությունը Միության շրջանակներում, ավելի լավ կօգտագործենք թե՛ ընդհանուր Եվրասիական տնտեսական միության, թե՛ դրա անդամ յուրաքանչյուր երկրի արտահանման ներուժը»,- ասաց Բիրիմջանը:
Հարցին, թե ի՞նչ կառաջարկի հայ գործարարներին, Մարատ Բիրիմջանը պատասխանեց. «Ես առաջարկում եմ լինել երկխոսության ակտիվ մասնակից պետական կառավարման մարմինների հետ հետադարձ կապի, կոնկրետ առաջարկների և նախաձեռնությունների առումով: Այստեղ, ցավոք, բիզնեսի և գործարարների միջև ակտիվ երկխոսություն չկա»,- ասաց նա՝ պետական կառավարման մարմիններին ևս կոչ անելով գործարարներին ավելի շա
