Մարսիալը հրաժարվում է երկարաձգել պայմանագիրը «Մանչեսթեր Յունայթեդի» հետ և ուզում է հեռանալ
«Մանչեսթեր Յունայթեդի» հարձակվող Անթոնի Մարսիալը մտադիր է հեռանալ ակումբից:
22-ամյա հարձակվողը դեռ հունիսին հասկացրել է «Կարմիր սատանաների» ղեկավարությանը, որ դժգոհ է Ժոզե Մոուրինիոյի հետ աշխատանքից և խաղային պրակտիկայի փոքր քանակից և դրա համար ուզում է փոխել ակումբը:
Ինչպես հաղորդում է RMS Sport-ը, ընթացիկ մրցաշրջանի ժամանակ «Մանչեսթեր Յունայթեդն» արդեն մի քանի անգամ առաջարկել է նոր պայմանագիր Մարսիալին, սակայն ֆրանսիացին հրաժարվում է ստորագրել համաձայնագիրը և խնդրում է վաճառել իրեն այլ ակումբի: Հարձակվողի նկատմամբ հավանական հավակնորդներ են համարվում «Տոտենհեմը» և «Յուվենթուսը»:
Սակայն «Մանչեսթեր Յունայթեդում» ցանկանում են պահպանել Անթոնի Մարսիալին, ուստի չեն պատրաստվում հուսահատվել, և մոտ ժամանակներս ֆուտբոլիստին նորից կառաջարկվի երկարաձգել պայմանագիրը:
Պատրաստեց Անի Գաբուզյանը
