Պոգբան Ֆրանսիայի հավաքականի ֆուտբոլիստներին կնվիրի ադամանդե քարերով ոսկյա մատանիներ
Կիսապաշտպան Պոլ Պոգբան մտադիր է ադամանդե քարերով ոսկյա մատանիներ նվիրել Ֆրանսիայի ազգային հավաքականի բոլոր ֆուտբոլիստներին, ովքեր 2018 թվականի Աշխարհի գավաթի խաղարկությունում դարձել են չեմպիոններ:
ESPN-ի տվյալներով՝ մատանիները պատված կլինեն ադամանդներով, կապույտ շափյուղայով և կարմիր սուտակներով:
Մատանիների արժեքը հայտնի չէ, սակայն հայտնի է, որ դրանք պատրաստում են ԱՄՆ-ում՝ Jason of Beverly Hills ոսկերչական խանութում:
Ֆրանսիայի ֆուտբոլի ֆեդերացիայի նախագահ Նոել Լե Գրեն հայտարարել է, որ պատրաստ է վճարել մոտ 10 հազար եվրո, որպեսզի մատանիներն առաքվեն Լոս Անջելեսից Փարիզ:
Սիրարփի Աղաբաբյան
