Բանկային տոկոսադրույքները օգոստոսին աճել են

ՀՀ առևտրային բանկերի կողմից մինչև մեկ տարի ժամկետով միայն դրամով տրամադրված վարկերի միջին տոկոսադրույքը 2018 թվականի օգոստոսին կազմել է 12.75%։ Հուլիսին այն 11.87% էր։ Այս մասին տեղեկանում ենք ՀՀ վիճակագրական ծառայության զեկույցից։

Փաստորեն, նախորդ ամիսների որոշակի նվազումից հետո՝ վարկային տոկոսադրույքը օգոստոսին աճել է 0.88 տոկոսային կետով, սակայն շարունակում է ավելի ցածր մնալ, քան մարտին։

Մինչև 1 տարի ժամկետով ներգրավված դրամային ավանդների տոկոսադրույքը նույնպես աճել է և հուլիսի 8.69%-ից՝ օգոստոսին հասել 9.14%-ի։

Վերաֆինանսավորման տոկոսադրույքը մնացել է անփոփոխ՝ 6%։