ՊՍԺ-ն միացել է Պոգբայի համար պայքարին
ՊՍԺ-ն կարող է օգտվել Ժոզե Մոուրինիոյի հետ Պոլ Պոգբայի կոնֆլիկտից և ձեռք բերել ֆրանսիացի կիսապաշտպանին: Ինչպես հաղորդում է The Sun-ը, ֆրանսիական ՊՍԺ-ն միացել է «Մանչեսթեր Յունայթեդի» կիսապաշտպան Պոլ Պոգբայի համար մղվող պայքարին:
Նշվում է, որ փարիզեցիները հետևում են Ժոզե Մոուրինիոյի հետ ֆուտբոլիստի կոնֆլիկտին և հասցրել են խոսել Պոգբայի գործակալ Մինո Ռայոլայի հետ՝ ֆրանսիացու հնարավոր տրանսֆերի մասին:
Ըստ Transfermarkt-ի տվյալների՝ Պոգբայի արժեքը գնահատվում է 90 մլն եվրո, իսկ Պոլի պայմանագիրը «Մանչեսթեր Յունայթեդի» հետ նախատեսված է մինչև 2021 թվականը:
Հիշեցնենք, որ Մոուրինիոն զրկեց Պոգբային ավագի թևկապից՝ հայտարարելով, որ ֆրանսիացին չի կարող վեր լինել ակումբից:
Պատրաստեց Անի Գաբուզյանը
