Ջրափրկարարներն օգնություն են ցուցաբերել Սևանա լճում կորած քաղաքացիներին. մանրամասներ
Սեպտեմբերի 26-ին, ժամը 21:23-ին «911» ծառայությանն ահազանգ է ստացվել, որ ժամը 19:00-ի սահմաններում քաղաքացին սկուտերով մտել է Սևանա լիճ և դեռ չի վերադարձել. անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հատուկ ջրափրկարարական ջոկատից մեկ մարտական հաշվարկ:
Պարզվել է, որ սկուտերի վրա եղել է երկու քաղաքացի, ովքեր ընկել են սկուտերից և լողալով վերադարձել ափ:
Ջրափրկարարները քաղաքացիներից մեկին ցուցաբերել են համապատասխան օգնություն. վերջինս հոսպիտալացվել է Սևանի ԲԿ: Բժիշկները տուժածի առողջական վիճակը գնահատել են ծանր:
