4 մթերք, որոնք կօգնեն վերահսկել արյան բարձր ճնշումը

Հիպերտոնիան բավական տարածված խնդիր է, որի պատճառ են դառնում մի խումբ գործոններ: Պարբերաբար այս խնդրին բախվելու դեպքում հարկավոր է դիմել մասնագետի օգնությանը՝ պատճառները վեր հանելու և անհրաժեշտ բուժօգնություն ստանալու համար: Steptohealth.ru-ի հաղորդմամբ՝ այս մթերքը կարող է օգնել վերահսկել զարկերակային ճնշումը:

Բանան: Բանանն ամենասննդարար մրգերից է, որն օգտակար է առողջությանը: Այն հարուստ է կալիումով: Բանանով կարելի է տարատեսակ համեղ ուտեստներ պատրաստել:

Բաղադրիչներ

• 1 բաժակ ջուր՝ 250 մլ
• 2 մեծ բանան՝ 375 գրամ
• 1 բաժակ սառույց՝ 120 գրամ
• կես ճաշի գդալ դարչին՝ 8 գրամ:

Պատրաստման եղանակը: Բոլոր բաղադրիչները խառնեք բլենդերում:

Կիտրոնի հյութ: Կիտրոնը ևս դասվում է մթերքների ցանկին, որոնք օգնում են վերահսկել զարկերակային ճնշումը:

Բաղադրիչներ

• կես բաժակ կիտրոնի հյութ՝ 135 մլ
• 1 բաժակ ջուր՝ 250 մլ
• 2 ճաշի գդալ մեղր՝ 30 գրամ:

Պատրաստման եղանակը: Բոլոր բաղադրիչները խառնեք: Օգտագործեք պատրաստելուց 15 րոպե անց: Օգտագործեք առավոտյան՝ քաղցած վիճակում:

Ձմերուկ: Անոթներում, ճարպաթթուների կուտակման հետևանքով մեծանում է սիրտ-անոթային համակարգի հիվանդությունների առաջացման հավանականությունը: Ձմերուկը նյութեր է պարունակում, որոնք օգնում են լավացնել անոթների վիճակը, կարգավորել զարկերակային ճնշումը:

Բաղադրիչներ

• 3 կտոր ձմերուկ՝ 295 գրամ
• կիտրոնի մանրացրած կեղև՝ 5 գրամ:

Պատրաստման եղանակը: Ձմերուկն ամբողջ գիշեր դրեք սառնարանում: Առավոտյան օգտագործելուց առաջ վրան ավելացրեք կիտրոնի մանրացրած կեղևը:

Ձմերուկը հաճախ ներառեք սննդակարգ. այն նաև միզամուղ հատկություն ունի, ինչի շնորհիվ օգնում է մաքրել օրգանիզմն ավելորդ հեղուկից ու տոքսիններից:

Սխտոր: Սխտորն օգնում է լայնացնել անոթները: Այն կարող եք օգտագործել ամենատարբեր ճաշատեսակներում:

Նյութը հրապարակման պատրաստեց 168.am-ը