«Մեսսին, Ռոնալդուն և Նեյմարն արդեն հանգստանում են, իսկ Մոդրիչը խաղում է. նա լավագույնն է ԱԱ-2018-ում». Դալիչ
Խորվաթիայի հավաքականի գլխավոր մարզիչ Զլատկո Դալիչը գովաբանել է թիմի ավագ Լուկա Մոդրիչին՝ միաժամանակ ծաղրելով ֆուտբոլի գլխավոր աստղերին:
«Մինչև ԱԱ-ն բոլորը խոսում էին Մեսսիի, Ռոնալդուի և Նեյմարի մասին՝ որպես լավագույն ֆուտբոլիստի մրցանակի գլխավոր հավակնորդների, բայց նրանք բոլորն արդեն հանգստանում են ծովափին, իսկ Լուկա Մոդրիչը դեռ խաղում է:
Նա գերազանց մրցաշրջան անցկացրեց «Ռեալի» հետ, նա 3 տարի անընդմեջ հաղթեց Չեմպիոնների լիգան, նա լավագույն ֆուտբոլիստն է այս մրցաշրջանում՝ անկախ այն բանից, թե ով կստանա ԱԱ-2018-ի «Ոսկե գնդակը»»,- ասել է Դալիչը:
Մոդրիչը ԱԱ-2018-ում խփել է 2 գոլ և կատարել է 1 փոխանցում: Հուլիսի 15-ին Խորվաթիան ԱԱ-2018-ի եզրափակչում կխաղա Ֆրանսիայի ընտրանու հետ:
Պատրաստեց Անի Գաբուզյանը
