Հուլիսի 11-ին ԱԺ արտահերթ նիստ կգումարվի
Ազգային ժողովի արտահերթ նստաշրջան գումարելու վերաբերյալ ՀՀ կառավարության նախաձեռնության մասին նախագիծն այսօր կառավարության նիստին ներկայացրեց ՀՀ առաջին փոխվարչապետ Արարատ Միրզոյանը:
Որոշմամբ առաջարկվում է ՀՀ Ազգային ժողովի նախագահին 2018 թվականի հուլիսի 11-ին, ժամը 11:00-ին գումարել ԱԺ արտահերթ նստաշրջան` հետևյալ օրակարգով ` «Մի շարք վարչական իրավախախտումների համար կիրառված տուգանքների համաներման մասին» (նախագիծ) (երկրորդ ընթերցում) «Քաղաքացիական դատավարության օրենսգրքում լրացումներ և փոփոխություններ կատարելու մասին» (նախագիծ) (երկրորդ ընթերցում) «Ազդարարման համակարգի մասին» օրենքում փոփոխություններ կատարելու մասին» (նախագիծ) (երկրորդ ընթերցում), «Զինվորական ծառայության և զինծառայողի կարգավիճակի մասին» Հայաստանի Հանրապետության օրենքում լրացումներ կատարելու մասին» (նախագիծ) (երկրորդ ընթերցում), «Հայաստանի Հանրապետության կառավարության և Եվրոպական հանձնաժողովի միջև՝ մշակութային և ստեղծագործ ոլորտների համար Միության «Ստեղծագործ Եվրոպա» ծրագրին Հայաստանի Հանրապետության մասնակցության վերաբերյալ» փոխըմբռնման հուշագիրը վավերացնելու մասին»:
ԱԺ արտահերթ նստաշրջանի նախաձեռնողի ներկայացուցիչ է նշանակվել Ամալյա Ենգոյանը:
