«Յուվենթուսն» Իկարդիի համար «Ինտերին» առաջարկել է 50 մլն եվրո և Իգուաինին
Ինչպես հաղորդում է FCInter1908.it-ն, Թուրինի «Յուվենթուսն» աչք է դրել Միլանի «Ինտերի» հարձակվող Մաուրո Իկարդիի վրա:
Ինչպես պնդում է աղբյուրը, թուրինյան ակումբն արդեն 50 մլն եվրոյի չափով առաջարկ արել է «ներաձուրիներին» արգենտինացու գնման վերաբերյալ, ինչպես նաև առաջարկի մեջ ներառել է հարձակվող Գոնսալո Իգուաինին, ում նկատմամբ տվյալ պահին հավակնություններ ունի լոնդոնյան «Չելսին»: Իր ֆուտբոլիստին «Յուվենթուսը» գնահատում է 60 մլն եվրո:
«Ծեր Սենյորայի» ներկայացուցիչներն իրավապահներին խնդրել են ուսումնասիրել Իկարդիի պայմանագրի պայմանները, որում նախատեսված է 110 մլն եվրոյի չափով հրաժարագին, որը գործում է միայն արտասահմանյան ակումբների համար:
Իտալական Սերիա Ա-ի ավարտված մրցաշրջանում 25-ամյա Իկարդին 34 խաղերում դարձել է 29 գոլի հեղինակ: Իր հերթին՝ 30-ամյա Իգուաինը 35 խաղերում դարձել է 16 գոլի հեղինակ:
Պատրաստեց Անի Գաբուզյանը
