Ըմբիշ Սահակ Հովհաննիսյանը պատանեկան Օլիմպիական խաղերի ուղեգիր է նվաճել
Հայաստանի հունահռոմեական ոճի ըմբշամարտի պատանեկան հավաքականի անդամ Սահակ Հովհաննիսյանը կմասնակցի 2018 թ. պատանեկան Օլիմպիական խաղերին:
Սահակ Հովհաննիսյանը Արգենտինայի մայրաքաղաքում կայանալիք այդ խաղերի ուղեգիր է նվաճել՝ հաղթելով Եվրոպայի առաջնությունում:
2018 թվականի ամառային պատանեկան Օլիմպիական խաղերը կկայանան Բուենոս Այրեսում հոկտեմբերի 6-18-ը: Մինչ այս Խաղերի ուղեգիր էր նվաճել նաև հրաձիգ Հայկ Բաբայանը:
